«Қос қуаныш қатар келген күн болды. ҚР Президентінің кезектен тыс сайлау күні екінші баламды дүниеге әкелдім, қуаныштымын. Баламды босанбай тұрып, өз дауысымды бердім. Сайлау учаскелерінен жабық жәшіктермен адамдар келді. Ішімде беймәлім толқыныс та бар», — деді Ханназар есімді батырды дүниеге әкелген ана.
Ал үшінші баласын босанған әйел Мария Гошкинаның айтуынша, ол да бүгін өз таңдауын жасаған.
«ҚР азаматы ретінде өз даусымызды бердік. Аман-есен баламызды қолымызға алғанымыз үшін перзентхана мамандарына алғыс айтамын. Баламыздың есімін Артур деп қойдық», — деді тұрғын.
Тілшілер перзентханаға барғанда айы-күні жеткен әйелді көріп қалды. Соған қарағанда Қонаев қаласында тағы да жақсы жаңалық болайын деп тұр.
Посмотреть эту публикацию в Instagram
