1963 жылы салынған Алматы облыстық №1 балалар үйінің ғимараты жарамсыз күйге жетіп, күрделі жөндеуге келмейтін болған. Осыған байланысты 2025 жылдың мамыр айында барлық заманауи талаптарға сай келетін жаңа мекеменің құрылысы аяқталады.
Құрылыс жұмыстары бекітілген жоспарға сәйкес жүйелі түрде жүргізілуде. Жоба аяқталған соң, жергілікті атқарушы органдар балалар үйін қажетті инфрақұрылыммен қамтамасыз етеді. Бұл қатарға асфальтталған жолдар, көше жарықтандыруы, инженерлік желілер және аумақты абаттандыру шаралары кіреді. Сондай-ақ, жаңа нысан санитарлық және экологиялық талаптарға толықтай сәйкес келіп, өңірдегі әлеуметтік инфрақұрылымды дамыту мақсатында стратегиялық тұрғыда ыңғайлы жерде орналасады.
Балаларға қатыгездік көрсету фактілері расталған жоқ. Сонымен қатар, жер телімінің аффилиирленген тұлғаларға, оның ішінде Әлия Назарбаеваға сатылғаны жөніндегі ақпарат дәлелденбеді. Бүгін Алматы облыстық білім басқармасының басшысы Салтанат Беспаева аталған мекемеге арнайы барып, жағдаймен танысты.
