Қазақстан Республикасының Мемлекеттік қызмет істері агенттігінің Алматы облысы бойынша департаменті мемлекеттік органнан келіп түскен құжаттарды зерделеу барысында Іле ауданының сәулет және қалақұрылысы бөлімі заңды тұлғаға сәулет-жоспарлау тапсырмасын беруден негізсіз бас тартқаны анықталды.
Осыған байланысты аталған бөлімнің басшысына Қазақстан Республикасының Әкімшілік құқық бұзушылық туралы кодексінің 465-бабына сәйкес әкімшілік хаттама толтырылды. Бұған қоса заңды тұлғаға мемлекеттік көрсетілетін қызметті бекітілген қағидаға сәйкес беру бойынша шешім қабылдау үшін тиісті ұсыныс хат енгізіліп, нәтижесінде оған сәулет-жоспарлау тапсырмасы берілді. Осылайша заңды тұлғаның бұзылған құқығы қалпына келтірілді.
