Алматы облысында бұқаралық ақпарат құралдары мен медиа саласы өкілдері арасындағы дәстүрлі «Самғау – 2023» облыстық байқауы жоғары деңгейде өтті. Өңірдің ақпараттық кеңістігін дамытуға бағытталған байқау биыл 17 номинация бойынша ұйымдастырылды. Жеңімпаздар диплом және 500.000 – 1 млн теңге көлемінде қаржылай сыйақымен марапатталды.
Байқаудың салтанатты марапаттау рәсімінде Алматы облысының әкімі Марат Сұлтанғазиев сөз сөйлеп, ақпарат саласында аянбай еңбек етіп жүрген журналистер мен медиа мамандарына ізгі тілегін жеткізді. Ол қоғам мен билік арасындағы алтын көпір саналатын журналистиканың маңызын атап өтіп, әр номинация бойынша үздік деп танылған жеңімпаздарды марапаттады.
«Самғау» жүлдесі – Алматы облысының ішкі саясат басқармасы ұйымдастыратын, облыстық ауқымдағы маңызды медиа іс-шара. Байқау өңірдің әлеуметтік-экономикалық дамуын, қоғамдық-саяси ахуалын және өзекті мәселелерін сапалы әрі кәсіби деңгейде жариялап жүрген БАҚ өкілдерін қолдауға бағытталған.
Байқауға Алматы облысының тыныс-тіршілігін тұрақты түрде ақпараттандырып жүрген штаттағы және штаттан тыс журналистер, өңірлік және республикалық газеттердің редакциялары, телерадиокомпаниялар, ақпарат агенттіктері, шығармашылық бірлестіктер, сондай-ақ жазылушы аудиториясы кемінде 10 мыңнан 50 мыңға дейінгі жазылушысы блогерлер мен қоғамдастық әкімшіліктері қатысу мүмкіндігіне ие болды.
Байқаудың басты мақсаттары – Алматы облысының әлеуметтік-экономикалық даму үдерістерін жан-жақты көрсету, Тәуелсіздік жылдарындағы өңір жетістіктерін кеңінен насихаттау, сапалы әрі бәсекеге қабілетті бұқаралық ақпарат құралдарын қолдау және дамыту, сонымен қатар заманауи медианың озық үлгілерін – блогинг, мобильді журналистика секілді жаңа бағыттарды дәріптеу.
Жалпы, «Самғау – 2025» байқауы өңірлік журналистиканың кәсіби деңгейін көрсетіп қана қоймай, ақпарат саласының дамуына серпін берген маңызды алаң ретінде жоғары бағаланды.
| № | Номинация | Жеңімпаз | Жүлде сомасы |
| 1 | Жылдың үздік журналисі (Ақпараттық материалдар әзірлеу арқылы қоғамдық маңызы бар мәселелерді сапалы әрі уақтылы жариялағаны үшін) | Мықтыбаева Жанар Жексембекқызы | 500 000 тг |
| 2 | Жылдың үздік журналисі (Ақпараттық материалдар әзірлеу арқылы қоғамдық маңызы бар мәселелерді сапалы әрі уақтылы жариялағаны үшін) | Болат Мәжит Батықұлы | 500 000 тг |
| 3 | Жылдың үздік тележурналисі (Жаңалық сюжеттері арқылы өңірдің әлеуметтік-экономикалық және қоғамдық өмірін жан-жақты көрсеткені үшін) | Маратова Жадыра Қуандықовна | 500 000 тг |
| 4 | Үздік желілік басылым (Цифрлық медиада сапалы контент қалыптастырып, оқырман аудиториясын кеңейтуге қосқан үлесі үшін) | «ALATAU NEWS» веб-сайты | 1 000 000 тг |
| 5 | Жылдың үздік республикалық телевизиялық тілшісі (Алматы облысы туралы мазмұнды репортаждар мен ақпараттық материалдар дайындағаны үшін) | Қысаев Ардақ Айбарұлы | 1 000 000 тг |
| 6 | Жылдың үздік республикалық басылым тілшісі (Өңірдің өзекті мәселелерін республикалық деңгейде кеңінен насихаттағаны үшін) | Калымов Асет Далелханович | 1 000 000 тг |
| 7 | Жылдың үздік республикалық басылым тілшісі (Өңірдің өзекті мәселелерін республикалық деңгейде кеңінен насихаттағаны үшін) | Исабекова Ұлбосын Бөрібайқызы | 1 000 000 тг |
| 8 | Үздік аудандық немесе қалалық басылым тілшісі (Жергілікті халықтың тыныс-тіршілігін жүйелі түрде жариялап, қоғамдық пікір қалыптастыруға үлес қосқаны үшін) | Мамырбаева Баян Жанысбайқызы | 500 000 тг |
| 9 | Үздік жас журналист (Кәсіби ізденісі мен тың көзқарасы арқылы заманауи журналистикада өзін таныта білгені үшін) | Чәкіртхан Талшын | 500 000 тг |
| 10 | Үздік жас журналист (Кәсіби ізденісі мен тың көзқарасы арқылы заманауи журналистикада өзін таныта білгені үшін) | Советқан Гүлім Ермекқызы | 500 000 тг |
| 11 | Үздік оператор (Бейнематериалдар арқылы оқиғаның мазмұнын көркем әрі сапалы жеткізгені үшін) | Дусембаев Аят Суюндукович | 500 000 тг |
| 12 | Үздік фототілші (Фотосуреттер арқылы қоғам өмірінің маңызды сәттерін шынайы әрі әсерлі бейнелегені үшін) | Аслан Қажеке | 500 000 тг |
| 13 | Үздік дизайнер (Ақпараттық және визуалды контенттің сапасын арттыруға бағытталған креативті шешімдері үшін) | Байбақ Адина Нұржанқызы | 500 000 тг |
| 14 | Үздік блогер (Алматы облысы туралы әлеуметтік желілерде мазмұнды, сапалы әрі кең аудиторияға бағытталған посттар жариялағаны үшін) | Закарин Руслан Ғалымжанович | 1 000 000 тг |
| 15 | Үздік мобилограф (Мобильді форматтағы заманауи бейнематериалдар арқылы өңірдің имиджін ілгерілетуге қосқан үлесі үшін) | Сәкен Мұхтарұлы | 1 000 000 тг |
| 16 | Жылдың үздік медиа менеджері (Медиа жобаларды тиімді басқару және ақпараттық саясатты жүйелі жүзеге асырғаны үшін) | Құныпияұлы Кәдірбек | 1 000 000 тг |
| 17 | Үздік ақпараттық серіктес (Мемлекеттік және қоғамдық бастамаларды ақпараттық қолдауға белсенді атсалысқаны үшін)
| «ЖЕТІСУ» телеарнасы | 1 000 000 тг |
