Қазгидрометтің мәліметіне сәйкес, 17 сәуір күні Шығыс Қазақстан облысында жауын-шашын, облыстың солтүстігінде, шығысында қатты жауын-шашын (жаңбыр, жылбысқы қар) жауады. Облыстың солтүстігінде көктайғақ болады. Кейбір жерде желдің жылдамдығы секундына 23-28 метрге жетеді.
«Ақтөбе облысының оңтүстік-шығысында бұрқасын болжанып отыр. Солтүстік-батыстан жел соғады, түнде облыстың оңтүстігінде, шығысында екпіні — 15-20 м/с», — дейді синоптиктер.
Батыс Қазақстан облысының солтүстігінде 3 градустық үсік жүрсе, Қостанай облысында көктайғақ болады деген болжам бар. Желдің жылдамдығы — 15-20 м/с.
Ақмола облысының оңтүстік жартысында бұрқасын мен көктайғақ.
Ал Қарағанды облысының солтүстігінде қатты жауын-шашын (жаңбыр, қар) жауады. Шығыс жағында желдің екпіні секундына 23-28 метрге дейін күшейеді. Қарағанды қаласында көктайғақ болады.
Астанада 17 сәуірде түнде және таңертең бұрқасын. Солтүстік-шығыстан соғатын жел солтүстік-батысқа ауысады, түнде және таңертең екпіні 15-20 м/с болады.
