Оның айтуынша, жер бөлуге жергілікті атқарушы органдар да, тұрғындардың өздері де жауапты.
«Ерте ме, кеш пе міндетті түрде бұл беткейлердің құлайтыны анық. Мен үнемі айтамын: тауда үй тұрғызатын адамдар — олар төтенше жағдайлар саласының болашақ «клиенттері». Өкінішке орай, тектоникалық процестер жалғасып жатыр, сейсмикалық қауіпті учаскелер мен топырақтың әлсіреуі кешегідей жағдайға алып келеді», — деді ТЖМ басшысы Бесағаш кентіндегі көшкіннің түсуіне түсініктеме бере отырып.
Министрдің айтуынша, салынған құрылымның тіреу қабырғасы биік емес және сәйкесінше жоғарыдағы 12-15 метрлік көшкінге төтеп бере алмады.
«Қазір «Қазселденқорғау» бөлімшелері жұмыс істеп жатыр және құқық қорғау органдарында осы жер учаскелерін кім бөлгенін және қандай негізде құрылысқа рұқсат бергені қаралады», — деді Юрий Ильин.
