Ауқымды жиынға Алматы облысының әкімі Марат Сұлтанғазиев, Қазақстан Республикасының ұлттық экономика вице-министрі Ілияс Өсеров, Мәдениет және спорт вице-министрі Ержан Еркінбаев пен еліміздің және шетел инвесторлары, кәсіпкерлері, қаржылық сектор өкілдері қатысып жатыр.
Шара аясында бірнеше жаңа нысандар бойынша ресми ашылу рәсімдері өтпек. Өңірді одан әрі дамыту бағытын айқындайтын болады.
«Бүгінгі форумның «Туған жерге тағзым» деп аталуы символикалық мәнге ие. Біз Алматы облысының даму стратегиясын қайта қарап, аймақты маңызды көліктік-логистикалық әрі туристік хаб ретінде орнықтыруды мақсат еттік және осы бағытты тұрақты ұстанып келеміз», − деді Марат Сұлтанғазиев.
Сондай-ақ бүгін кәсіпкерлермен өзара ынтымақтастық туралы меморандумдарға қол қойылады, B2B-форматындағы кездесулер өтеді.
Айта кету керек, форумның басты мақсаты шетелдік және отандық инвесторлармен және индустриалды, туристік, аграрлық саладағы компаниялармен өзара тиімді ынтымақтастық орнату, инвестициялық климатты одан әрі жақсартып, қаржылық инфрақұрылымды дамыту.
