Қарасай ауданы әкімдігінің мәліметінше, газ желісіндегі ақау шамамен 8-9 сағат ішінде қалпына келтіріледі. Қазіргі уақытта оқиға орнында мамандар қызу жұмыс жүргізуде.
Газ құбырына зақым келген жерді жөндеу жұмыстары 3-4 сағатта аяқталады деген болжам бар. Апат автокөліктің басқа көлікпен соқтығысуы салдарынан болған.
«Осы оқиғаға байланысты Жамбыл 2 ауылының 3000 абоненті, Ұлан ауылының бір бөлігі және 19 км аймағы уақытша газсыз қалды», — деп хабарлады Қарасай ауданы әкімдігінің баспасөз қызметі.
