Биыл орталық алаңға 20 метрлік шырша орнатылды. Іс-шара концертпен және балаларға арналған қойылымдармен жалғасты.
Қала әкімі Асхат Бердіханов мерекелік шараға қатысып, тұрғындарды осы ерекше әрі маңызды оқиғамен шын жүректен құттықтады.
Салтанатты рәсімге жиналған халықтың қуанышы шексіз болды.
«Жаңа жыл бізге жаңа белестер мен жетістіктер әкелсін. Қаламыз одан әрі гүлденіп, қарқынды дамысын. Баршаңызға мықты денсаулық, отбастарыңызға бірлік пен береке, ал шаңырақтарыңызға бейбіт өмір тілеймін. Жаңа жыл тек сәттілік пен табыс әкелсін», – деді тұрғындардың бірі Сабина өз құттықтауында.
Биыл Жаңа жыл мерекесі құрметіне қаланың кіреберісіндегі стела мен көпір, «Достық» аллеясы, Д. Қонаев ескерткіші орналасқан аллея, Орталық саябақ, 5-ші жағажай және саяжайлар ерекше сәнмен безендіріледі. Сонымен қатар, қалада түрлі фотозоналар мен шағын сәулеттік композициялар пайда болады. Кейбір тұрғын үйлердің қасбеттерін жарықтандыру да жоспарланған.
Бұл мерекелік көріністер қала тұрғындарына Жаңа жылдың шуақты көңіл-күйін сыйлайтыны сөзсіз.
