«Балалардың психикасына гаджет өте қатты әсер етеді. Таңның атысы кештің батысы ұялы телефонда отырған бала қоршаған ортамен араласудан да қалады. Үнемі бір қалыпта қозғалмай отыруы да денсаулығын нашарлатады. Дене пішіндері өзгереді. Омыртқасы қисаяды. Саусақтары қимылдауға келмейді», — дейді психикалық денсаулық орталығының бас дәрігері Сапар Рахменшиев.
Сапар Рахманшиевтің айтуынша, баланың гаджетке үйір болуына тікелей ата-аналардың өздері кінәлі. Бала жыламасын деп туа сала ұялы телефонға әуес қылады. Оны ұрысып, алдап тәрбиелейді. Қазіргі таңда баланы тәрбиелеудің басты жолы — онымен дос болу керек, дейді маман.
