Бұл мақсатта қазанның 18–19 күндері Алматы қаласында ауқымды ауыл шаруашылығы жәрмеңкесі өтеді.
Жәрмеңке Қазыбек би көшесінде (Абылай хан даңғылынан Панфилов көшесіне дейін, КБТУ-дың төменгі жағында) ұйымдастырылады. Мұнда облыстың барлық аудандарынан келген шаруалар мен өңдеуші кәсіпорындар өз өнімдерін ұсынады. Сауда сөрелеріне ет, сүт өнімдері, балық, бал, көкөніс, жеміс-жидек, күріш, жұмыртқа және өзге де табиғи тауарлар қойылады.
Жалпы көлемі 200 тоннадан астам өнім қала тұрғындарына нарықтағы бағадан 15 пайызға төмен бағамен ұсынылады.
Атап айтқанда, жәрмеңке аясында:
? 16 тонна ет,
? 1,6 тонна сүт өнімдері,
? 18,6 тонна картоп,
? 19,5 тонна пияз,
? 36,2 тонна түрлі көкөніс,
? 6 тонна күріш,
? 3,3 тонна бал,
? 26 тонна алма мен жеміс-жидек,
? 50,5 тонна өзге де өнім сатылымға шығарылады.
Жәрмеңке Алматы облысы мен Алматы қаласы әкімдіктерінің қолдауымен ұйымдастырылып отыр. Мұндағы басты мақсат — отандық тауар өндірушілерді қолдау, ішкі нарықты дамыту және тұрғындарды сапалы әрі қолжетімді азық-түлікпен қамтамасыз ету.
Осындай дәстүрлі шаралар өңірдің ауыл шаруашылығы әлеуетін танытып қана қоймай, жергілікті өнімге деген сұранысты арттыруға, фермерлердің табысын көбейтуге және қала мен ауыл арасындағы экономикалық байланысты нығайтуға мүмкіндік береді.
