Оның айтуынша, өткен жылы облыс бюджеті бес рет қайта қаралып, 24 рет түзетілген.
«Кірістер бойынша (трансферттерді есептемегенде) жылдық жоспар 37,2 млрд. теңгеге асыра орындалды (салық түсімдері – 108,3%, салықтық емес түсімдер – 138,3% және негізгі капиталды сатудан түскен түсімдер — 180,9%). Бұл ретте, жеке тұлғалардың («NetBet» ЖШС) ұтып алуынан түсетін түсімдердің төмендеуіне байланысты облыс кірісіне ЖТС бойынша 8,8 млрд. теңгеден астам түсім түскен жоқ. Салықтың осы түрі бойынша жыл ішінде жоспар 7,2 млрд. теңгеге кему жағына қарай екі рет түзетілді», — деп хабарлады ведомство басшысы.
Ол трансферттер бойынша жоспар 67,4%-ға орындалғанын атап өтті (жоспар – 434,6 млрд. теңге, іс жүзінде – 293,1 млрд. теңге). Негізгі себеп Жетісу облысына 143,3 млрд. теңге көлемінде субвенция беру болды (бұрын түскен қаражатты Алматы облысына беру жөніндегі нормативтік-құқықтық актілердің болмауына байланысты).
Аудандық бюджеттердің шығыстары 369,9 млрд. теңге сомасына игерілді, бұл жылдық жоспарға 99,4% құрайды. Игерілмеген 2,2 млрд. теңге қалды (524,6 млн. теңге — үнемдеу, 156,7 млн. теңге — сот талабы, 991,5 млн. теңге — шарттық міндеттемелерді орындамау, 120,3 млн. теңге — конкурстық рәсімдерді уақтылы жүргізбеу және шарттарды тіркеу және 135,9 млн. теңге — дұрыс жоспарлау).
Республикалық бюджеттен бөлінген нысаналы және ағымдағы трансферттерді игеру 228 млрд. теңге сомасында немесе жылдық жоспарға 98,7% орындалды.
Орындамау 2,9 млрд. теңгені құрады (449 млн. теңге – бюджет қаражатын үнемдеу, 1,2 млрд. теңге – жұмыс кестесінен артта қалу, 309,2 млн. теңге – ЖҚС түзету және 933,8 млн. теңге – орындалған жұмыстар актілерін уақтылы ұсынбау).
Облыстық бюджеттің шығыстары жоспар 607 млрд. теңге болған кезде 461,6 млрд. теңге сомасына игерілді немесе 76% (орындау субвенциясын есепке алмағанда 99,5%). Игерілмеген қаражаттың жалпы сомасы 145,4 млрд теңгені құрады.
