Жер сілкінісінің эпицентрі Алматы қаласынан солтүстік-шығысқа қарай 64 км жерде, ел аумағында орналасқан (Еңбекшіқазақ ауданы Қырбалтабай ауылынан шығысқа қарай 14,3 км).
Жер сілкінісінің энергетикалық класы 8.7.
MPV магнитудасы 4.4.
Алматы облысының Төтенше жағдайлар департаменті жер сілкінісі кезіндегі іс-қимыл тәртібін еске салады:
— ғимараттан шығыңыз (сізде 15-20 секунд уақыт болады);
— егер сіз жоғарғы қабаттарда болсаңыз, балаларды құшақтап, кіреберістегі есіктің бағанасында тұрыңыз, негізгі қабырғалардың бұрышына отырыңыз;
— ешқашан терезенің жанында тұрмаңыз және балконнан секірмеңіз;
— ғимарат, құрылыс алаңдары, бағана және қоршаулардан алыс болыңыз;
— үйлерге кірмеңіз, жер сілкінісі қайталануы мүмкін;
— лифтті пайдаланбаңыз;
— сіріңке, шам жақпаңыз:
— сымдарды ұстамаңыз;
— зардап шеккендерге алғашқы медициналық көмек көрсетіңіз.
