Облыс орталығы Қонаев қаласының орталық алаңында өткен басты шараға екі мыңнан астам тұрғындар мен қала қонақтары куә болды.
Мемлекеттік Ту көтеру рәсіміне Алматы облысының әкімі Марат Сұлтанғазиев, зиялы қауым өкілдері, құқық қорғау органдарының басшылары, Қазақстан халқы Ассамблеясының мүшелері, үздік оқушылар, жас сарбаздар, сондай-ақ спорт, білім, мәдениет салаларының өкілдері мен қала тұрғындары қатысты.
Байрағымыз көкке көтерілген сәтте Қазақстанның еңбек сіңірген қайраткері әрі Халық әртісі Талғат Күзембаев Мемлекеттік әнұранымызды шырқады.
Алматы облысында өткен бұл рәсім қазақстандықтардың отаншылдық рухын, ортақ құндылықтарға деген құрметін тағы бір мәрте көрсетті. Патриоттық шара орталық алаңда мерекелік концертпен жалғасты.
