«Туған жерге тағзым» инвестициялық форумы барысында агроөнеркәсіптік кешен және құрылыс материалдарын өндіру салалары арасында меморандумдарға қол қойылды.
«Бүгін жалпы құны 819 миллиард теңгені құрайтын 40 меморандумға қол қойылды», – делінген форумды ұйымдастырушылар таратқан ақпаратта.
Атап айтқанда, агроөнеркәсіптік кешен саласы:
- балық кешенін салу бойынша «Оспанова Девелопмент» ЖШС (67 млрд. теңге, 500 жұмыс орнын құруды көздейді),
- бройлер етін өндіру және қайта өңдеу құс кешенін салу бойынша «Прима Кус» ЖШС (63,5 млрд. теңге, 1 076 адамға арналған жұмыс орны),
- сондай-ақ жоңышқа өсіру бойынша «Alfalfa»ЖШС (17 млрд теңге, 25 жұмыс орны).
Құрылыс материалдарын өндіру саласында:
- арматура зауытын кеңейту бойынша «Орталық Азия Фу Джоу металл» ЖШС (46,1 млрд теңге, 100 жұмыс орны),
- ЖБИ өндіру зауытын салу бойынша «Алтын таға» ЖШС (32 млрд теңге, 1 200 жұмыс орны),
- сондай-ақ, кірпіш зауытының құрылысы бойынша «Қонаев кірпіш зауыты» ЖШС («QazClinker» ЖШС) (25 млрд теңге, 150 жұмыс орны) және т.б. кәсіпорындардың арасындағы меморандумдарға қол қойылды.
