Атаулы күнге орай «Саяси қуғын-сүргін құрбандары» музейінде «Алаштың ұлттық мінбері» атты дөңгелек үстел өтті.
Дөңгелек үстелге тарихшы ғалымдар, түрлі деңгейдегі басылымдардың редакторлары қатысты. Жиында «Қазақ» газетінде басылған тарихи оқиғалар туралы сөз қозғалып, газетті шығаруға атсалысқан Алаш зиялылары жайлы айтылды.
«Ахмет Байтұрсынұлы көзі тірісінде бізге «Әуелі газет — халықтың көзі, құлағы һәм тілі. Адамға көз, құлақ, тіл қандай керек болса, халыққа газет сондай керек» деп өсиет қалдырды. Осы басылым арқылы үлкен идеологиялық саясат жүргізілді, қазақ тілі насихатталды», — деді жиында филология ғылымдарының докторы Ғарифолла Әнес.
Ал республикалық қоғамдық-саяси «Қазақ» газетінің бас редакторы Жасұлан Мәуленұлы болса, өзі басшылық етіп отырған басылымның Алаш зиялылары құрған газеттің ізін жалғап келе жатқанын айтты.
«Қазақ» газетінің 1913-1918 жылдар аралығында 266 номері шықты. Біздің газет сол басылымның ізін әлі күнге жалғап келеді», — деді Жасұлан Мәуленұлы.
Посмотреть эту публикацию в Instagram
