Жекешелендірудің 2021-2025 жылдарға арналған кешенді жоспары бойынша бәсекелестік ортаға беру 2022 жылы — 10, 2023 жылы – 3, ал 2024 жылы – 2 объектіге жатқызылды.
«Оның ішінде 12 кәсіпорын жылумен және сумен жабдықтау саласында қызмет атқарды. Осыған байланысты 2022 жылы басқарма экономиканы монополиясыздандыру мәселелері жөніндегі мемлекеттік комиссияға осы кәсіпорындарды жекешелендіру жоспарынан шығару туралы бастамашы болды, комиссия ұсыныстарды толығымен қолдады», — деп атап өтті Бибігүл Ұзақова.
Оның айтуынша, қазір үш нысан бәсекелестік ортаға беріледі:
- «Алатау» АҚ — G4-City іске асыру жөніндегі уәкілетті ұйым;
- «Қапшағай тұрғын үй» ЖШС — ТКШ жаңғырту саласындағы қызмет;
- «Жетісу облгаз» ЖШС — газбен жабдықтау саласындағы қызмет.
Сонымен қатар квазимемлекеттік сектор субъектілерінің әкімшілік персоналын 2022 жылғы 1 қаңтарға дейін – 15%-ға; 2023 жылғы 1 қаңтарға дейін — 10%-ға қысқарту бойынша жұмыс жүргізілді (Президенттің Жарлығы бойынша).
Сондай-ақ 613 ұйым бойынша облыс әкімдігінің Жетісу облысына мүлікті беру жөніндегі 38 қаулысы дайындалып, қабылданды.
