«Жалпы сипаттағы мемлекеттік қызметтер» тобы бойынша 500,1 млн теңге бөлінеді. Оның ішінде Қарасай ауданында әкімшілік ғимарат сатып алу (200 млн тг), 2 аудан әкімін сайлау (198,4 млн. тг) т.б. бағыттар бар.
Ал ішкі істер қызметкерлерінің тұрғын үй төлемдеріне қосымша 800 млн. теңге қарастырылмақ.
Білім беру саласына 5,1 млрд. теңге бөлу жоспарланып отыр:
— 1-4 сынып оқушыларын тегін ыстық тамақпен қамтамасыз етуге 3,3 млрд. теңге;
— ыстық тамақ алатын балалар санының 11 503-ке, киім-кешекпен қамтылуы тиіс балалардың 20 612-ге ұлғаюына байланысты жалпы білім беру қорына қосымша 1,4 млрд.теңге;
— Іле ауданы Қосөзен және Райымбек ауданындағы Көмірші орта мектептерінің күрделі жөндеу жұмыстарын аяқтауға 270,9 млн.теңге;
— Балқаш ауданының білім беру мекемелерінің газға қосылуының құжатын әзірлеуге 87,7 млн. теңге;
— Қарасай ауданының өнер мектебін күрделі жөндеуді бастауға 50,0 млн. теңге және т.с.с.
Жалпы білім саласының биылғы бюджет көлемі — 386 млрд. теңге.
Қосымша ақша бөлінетін саланың бірі — Әлеуметтік көмек және әлеуметтік қамсыздандыру саласы (1,4 млрд тг).
Тұрғын үй-коммуналдық шаруашылығы саласы бойынша әлеуметтік осал топтағы отбасылардың тұрғын үй төлемдеріне 54,5 млн, Алматы-Талдықорған МГ «Бақанас» автоматтандырылған газ тарату стансасын іске қосып, жөндеуге 23,7 млн теңге бағытталмақ.
Басқа салалар:
- дене шынықтыру және спорт саласы — 408,7 млн. теңге;
- отын-энергетикалық кешен және жер қойнауын пайдалану — 115 млн теңге;
- ауыл шаруашылығы – 4,8 млрд теңге;
- орман шаруашылығы – 104,1 млн теңге;
- жер қатынастары – 2,4 млрд теңге;
- ветеринария – 954 млн теңге;
- сәулет және қала құрылысы – 24,8 млн теңге;
- көлік және коммуникация – 1,7 млрд теңге беріледі.
Аталғандардан бөлек, шағын және орта бизнес субъектілерін газбен, сумен, электрмен жабдықтау және инженерлік-коммуникация желілерін жүргізуге 92 млн. теңге, «Қайрат» индустриялық аймағының сыртқы газбен жабдықтау, алаңішілік инженерлік желілері мен көлік инфрақұрылымын салуға 3,8 млрд. теңге, «Қонаев» әлеуметтік-кәсіпкерлік корпорациясына 4,5 млрд теңге, Алматы облысының АЭА басқарушы компаниясының жарғылық капиталын қалыптастыруға 500 млн теңге бөлінеді.
