Осы келісім аясында облыста Оңтүстік Корея мәдениетінің біркүндігі өтті. Өңірлік туризм басқармасы Қонаев қаласының Мәдениет үйінде салтанатты кеш ұйымдастырды. Ал дәлізде кәріс ұлтының тарихынан, дәстүрінен сыр шертетін кішігірім көрме қойылды. Сонымен қатар көрерменге арнайы дайындалған Оңтүстік Кореяның бейнежазбасы көрсетілді. Чолла-пукто аймағының халықаралық қатынастар амбассадоры Риу Чанг Со облыс басшылығына және тұрғындарға алғысын айтты.
Өз кезегінде туризм басқармасының Айбар Теменов екіжақты ынтымақтастық алдағы уақытта одан ары күшейетінін атап өтті.
Естеріңізге сала кетейік, облыстық делегация Чолла-пуктоға барғанда халықаралық «SITF-2023» көрмесіне қатысқан болатын. Онда өңір көрмесі «Үздік стэнд» номинациясын жеңіп алды.
