«Мәдениет – мемлекет келбеті. Оны сақтау, болашаққа жеткізу баршамыздың ортақ міндетіміз. Ел Президенті Қасым-Жомарт Тоқаев Жаңа Қазақстанды құру жолында осы ұранды сөзді басты бағытта ұстап, халықтың экономикалық және әлеуметтік жағдайын жылдан-жылға арттырып келеді. Мәдениет пен өнердің алтын арқауына айналған Алматы облысы да ерекше құрметке ие. Кешегі өткен Сүйінбай, Жамбыл, Кенен, Қожеке, Тұманбай аталарымыздың сара жолы мәңгілік жалғасу керек», – деді жиынды ашқан облыс әкімінің бірінші орынбасары Нұрлан Әбдірахым.
Салтанатты шарада облыс үздіктері марапатталды:
- «Үздік мәдениет үйі қызметкері» номинациясын Кеген ауданы Жалаңаш ауылдық Мәдениет үйінің директоры Бақытжан Құсайынов иеленді, оған 100 000 теңге ақшалай сыйлық табысталды;
- «Үздік музей қызметкері» – М. Мақатаевтың әдеби-мемориалды музейінің қызметкері Мейіржан Мұсабаев;
- «Үздік кітапханашы» – Қонаев қаласы кітапханасының Кітапханашысы Жазира Нуптиева;
- «Үздік биші» – «Алатау әуендері» концерттік ұйымының балет әртісі Мәдина Батыршаева;
- «Үздік әнші» – Сүйінбай атындағы Алматы облыстық филармониясының жеке дауыстағы әншісі Алуа Қосанова;
- «Үздік аспапшы» – Сүйінбай атындағы Алматы облыстық филармониясының аспапшы әртісі Алма Кішікбаева;
- «Үздік қолөнер шебері» – «Ұста Дәркембай» қолөнер музейінің шебері Дәулетбек Әбдіқайымов;
- «Үздік театр ұжымы» – Еңбекшіқазақ ауданындағы «Қаракемер» балалар театрының көркемдік жетекшісі Жарқын Барақбаев атанды.
Ал «Үздік облыстық мәдениет мекемесі» номинациясымен «Алматы облысының музейлер бірлестігі» марапатталып, мекеме директоры Әнуар Үмбеталиевке Chevrolet Cobalt автокөлігінің кілті, арнайы диплом табысталды.
Сондай-ақ ҚР Мәдениет және спорт министрлігінің Алғыс хатымен Сүйінбай атындағы облыстық филармония, облыстық Халық шығармашылығы орталығы, облыстық әмбебап кітапханасы мен аудандық орталық кітапханалар марапатталды.
«Алатау әуендері» концерттік ұйымының әншілері Мирас Бекжанов пен Құралай Бекжанова, Қаракемер ауылдық Мәдениет үйінің директоры Арайлым Мамырбекова «Мәдениет саласының үздігі» атанды.
Шараның ресми бөлімі концерттік бағдарламаға ұласты.
