Облыста 50 мыңнан аса көлік иесі борышкер болып шықты. Салық департаментінің қызметкерлері мұны қалыптаспаған мәдениеттің кесірінен деп есептейді. Тек облыс орталығы Қонаевтың қарызы 107 миллион теңгеден асқан.
«Адамдардың сылтауы көп. Мысалы, хабарлама алған жоқпыз дейді. Негізі қазір банктер ай сайын уақытылы хабарлама жіберіп отырады. Соның нәтижесінде биыл мемлекет қазынасына 5 миллиард 900 миллион теңге көлік салығы түсті. Хабарламалар банк қосымшалары арқылы жіберіліп жатыр», — деді Алматы облысы бойынша Мемлекеттік кірістер департаменті басшысы Олжас Отар.
