Кеңес барысында белгілі болғандай, жоспарланған төрт тұрғын үйдің екеуінің құрылысы әлі аяқталмаған. Сонымен қатар, құрылыс салушы мен үлескерлер арасында тек ниет хаттамаларына қол қойылған, бұл өз кезегінде қосымша құқықтық қиындықтар туындатуда.
Әсет Масабаев құрылыс жұмыстары заң талаптарына сай және толық көлемде аяқталуы тиіс екенін қатаң ескертті. Құрылыс компаниясы өз тарапынан тұрғын үйлерді уақытылы аяқтап, пайдалануға беру міндеттемесін алды. Ал әкімдік инженерлік инфрақұрылым бойынша қажетті қолдау көрсететінін, бірақ негізгі жауапкершілік құрылыс компаниясында қалатынын жеткізді.
2023 жылдың желтоқсан айында бекітілген Жанатұрмыс ауылының Бас жоспарына сәйкес, кешен аумағында көпқабатты тұрғын үйлер, таунхаустар және мектеп салу көзделген.
Кездесу қорытындысы бойынша, Әсет Масабаев:
Құрылыс жұмыстарын жүргізу бойынша жол картасын әзірлеп, бекітуді;
Құрылыс мерзімінің нақты кестесін айқындауды тапсырды.
Үлескерлермен ашық әрі тұрақты диалог орнату мақсатында, әр апта сайын жұмыс жиындарын өткізу туралы шешім қабылданды. Бұл кездесулерде жол картасының орындалу барысы және жобаның өзекті мәселелері талқыланатын болады.
Әкімдік тарапынан бұл жағдай қатаң бақылауға алынып, үлескерлердің құқықтары мен мүдделерін қорғау басты назарда болмақ.
