Спикердің сөзінше, облыстың жедел жәрдем автопаркі 100 пайыз қамтамасыз етілген әрі көліктерге медициналық құрал-жабдықтар қойылған.
«Қазіргі таңда станса балансында 150 жедел жәрдем көлігі бар. Тұрғындарға 143 бригада қызмет етеді, оның ішінде 20-сы дәрігерлік бригада. Көліктер GPS навигациясы бар медициналық құрал-жабдықтармен қамтылған», — деді Есхат Жантоков.
Ал аудандық емханалардағы жедел жәрдем көліктері бойынша спикер олардың үштен бірі жаңартуды талап ететінін айтты. Бүгінде 89 автокөлік сатып алу үшін 2 380 350.0 мың теңгеге бюджеттік өтінім берілген.
Облыстағы бірыңғай диспетчерлік қызметке күніне 2000-2200 қоңырау түседі. Сол хабарларға сәйкес, биыл жол-көлік оқиғаларының өскені байқалады.
Айта кетейік, өңірде 1 млн 500 мыңнан астам халық тұрады. Елдімекендердің арақашықтығы мен орналасуын ескере отырып, жедел медициналық жәрдем бригадаларының қызмет көрсету радиусы 9 км-ден 300 км-ге дейін құрады. Облыста 1 жедел медициналық және шұғыл жәрдем стансасы, 11 қосалқы станса және 51 дислокация ұйымдастырылған.
