Партия филиалының қоғамдық қабылдауына Іле ауданының тұрғындары жұмыспен қамту бойынша өтініштерін және жұмыссыз азаматтарға арнайы оқыту жұмыстарын жүргізу бойынша ұсыныстарын білдірген болатын. Аталмыш мәселенің өзектілігін ескере отырып халық қалаулысы мәселенің оңтайлы шешілуіне ықпалдасты.
Депутат басқарып отырған газобетон шығаратын «Автоклав KZ» ЖШС-ға қарасты «БЕНТ» зауыты 1987 жылдан бастап еліміздегі шойын жолдың темірбетон шпалдарымен қамтамасыз етіп отырған жалғыз өндіріс орны. Өнімдері әлемдік стандарттарға сай. Өндіріс ошағымен қатар биыл өздеріне қажетті мамандарды даярлайтын оқу орталығын ашты.
«Қоғамдық қабылдауларда азаматтардың көбі жұмыссыздық мәселесімен жүгінді. Сондықтан оқу орталығын аштық. Онда 9 мамандық бойынша білім беріледі. Студенттерге 200 мың теңге көлемінде жәрдемақы төленеді. Жұмысқа орналасқан сәттен алғашқы 2 айда қызметкерлердің жалақысы 200 мыңнан асады, үшінші айдан бастап 300 000 теңгеге дейін көтеріледі. Осыған қарамастан бос жұмыс орны әлі де болса жеткілікті», – дейді «AMANAT» партиясы фракциясының мүшесі Дінмұхамед Кузиев.
Аманаттық депутаттың айтуынша, бұл жерге кез келген жұмыссыз тіркеліп, оқуына мүмкіндік бар. Олар «Бент» зауытына жұмысқа орналаспаса да, басқа жерде қызмет ете алады.
Айта кету керек, «AMANAT» партиясының 2023-2027 жылдарға арналған Жол картасы аясында өңірде 175 мың жұмыс орны құрылады.
