«Біз қыздың әжесі мен тәтесін тыңдаған кезде, мұндай жағдайдың болатынына сене алмадық. Бірақ тағы да деректер соны дәлелдеп отыр. 2 күн бойы қызды біреудің үйінде күштеп ұстаған. Бейтаныс адамдар. Алдын ала болжам бойынша бұл көршілер болуы мүмкін. Телефонын алып қойған. Олар белгісіз сусындарды ішкізген, содан кейін ол бірнеше рет есінен танып қалған. Олар сондай-ақ бір нәрсені иіскеткен», — деп жазды Дина Таңсәрі.
Бұл оқиға жайлы қызды екі айлығынан бастап өсірген қыздың әжесі айтқан.
«Оның немересі 14 шілдеде туған анасымен бірге Жамбыл ауданының Қызыласкер ауылына барады. 16 шілде әжесіне оралуы керек еді. 17 шілдеде біз жиенімізді алуға келдік, бірақ оны үйден шығара алмадық. Кейін біз полицияны шақырдық, бірақ олар бізге оны үйден шығаруға көмектеспеді», — деген қыздың әжесі.
Олар бойжеткенді күшпен алып шыққан. Дау кезінде қыздың тәтесінің басына зақым келген. Мидың шайқалғаны туралы анықтамалық бар. Қыздың туыстары қайда барарын білмей отыр. Себебі Алматы облысы Жамбыл ауданының полиция капитаны Әнуар Оралханов пен тергеуші Бекболатұлы Рыскелді туыстарына жалған ақпарат үшін қылмыстық іс ашамыз деп қорқытып отыр. (ҚР ҚК 419-бабы). Жәбірленуші мен оның туыстарына қатысты әкімшілік құқық бұзушылық туралы іс қозғалған.
