Қойылымды тамашалауға екі мыңнан астам көрермен жиналды. Ауқымды шараға Голливудка әйгілі «Kazakh Union Action Team» каскадерлік тобы және Қазақстанның танымал кино-актерлары қатысты. Қойылымның сәтті шығуына 80-ге жуық адам атсалысты.
Бір сағатқа созылған тарихи қойылым арқылы көрермен қазақ халқының тағылымды тарихымен танысып, ел мен жер үшін шайқасқан батыр бабалар ерлігіне қанықты.
Алматы облысының әкімдігі, «Қоғамдық келісім және даму орталығы» КММ, «Алматы облысының ішкі саясат басқармасы» ММ мұрындық болған қойылым 5 түрлі көріністен тұрды. Бесеуі де жоңғар шапқыншылығының кезеңдерін, шайқас барысын, сонымен қатар сол кездегі қазақ ауылдарының тұрмыс-тіршілігін көрсетті.
Одан басқа, қонақтардың назарына 6 түрлі алаң ұсынылды. Онда «Бауырсақ PARTY», «Қолөнершілер қалашығы», «Құсбегі», «Итбегі» сияқты шоу көріністері қамтылды.
