Өңіріміз өндірісі дамыған аймақ, алайда өнеркәсіптерден шығатын қалдықтардың қордалануы қоршаған ортаға ерекше зиян келтіріп отыр. Гаухар Абылқасомаваның айтуынша, облыста 5700 кәсіпорын тіркелген. Оның ішінде 146-сы ірі және орта, қалғаны шағын кәсіпорын.
Тау-кен өндіру,өңдеу, химия және жылу энергетикасы өнеркәсіп кәсіпорындары мен коммуналдық кәсіпорындар — қоршаған ортаны неғұрлым ірі ластаушылар.
“Жыл сайын облыс аумағында 900 мың тоннаға жуық қатты тұрмыстық қалдықтар жиналып, оның 350 мың тоннасы елді мекендерде түзіледі ”,-дейді Гауһар Абылқасымова
Данияр Өмірбековтың сөзінше, былтырғы жылы атмосфераға рұқсат етілген ластаушы заттардың шығарылуы 107,1 мың тоннаны құрады.
Сонымен қатар, Космомониторинг-есепті кезеңде «Қазақстан Ғарыш Сапары» АҚ геопорталының деректері бойынша облыс аумағында 375 санкцияланбаған қоқыс үйінділері анықталды.
Фото: pixabay
