Салтанат Дауыспекқызы – өңірдің білім және мәдениет саласында ұзақ жыл еңбек етіп, мол тәжірибе жинаған білікті басшы. Ол бұған дейін Алматы облысының білім басқармасын және Іле ауданының білім бөлімін басқарған.
Болашақ тіл саясатын дамыту жетекшісі 1975 жылы дүниеге келген. Абай атындағы Алматы мемлекеттік университетін «Қазақ тілі және әдебиеті» мамандығы бойынша тәмамдап, педагогикалық бағыттағы кәсіби жолын бастады. Кейін 2024 жылы Қазақ ұлттық аграрлық зерттеу университетінде «Іскерлік әкімшелендіру» мамандығы бойынша магистр дәрежесін иеленді.
Еңбек жолын 2000 жылы Еңбекшіқазақ ауданындағы Ыбырай Алтынсарин атындағы орта мектептің қазақ тілі пәні мұғалімі болып бастаған. Кейін педагог-ұйымдастырушы, директордың тәрбие ісі жөніндегі орынбасары, Мұхтар Әуезов атындағы орта мектептің директоры қызметтерін атқарды.
Әр жылдары Еңбекшіқазақ ауданының білім және мәдениет бөлімдерінде, сондай-ақ облыстық және аудандық білім басқармаларында басшылық лауазымдарда еңбек етті.
2025 жылдың 20 қазанынан бастап Салтанат Дауыспекқызы Беспаева Алматы облысының тілдерді дамыту басқармасының басшысы болып ресми түрде тағайындалды.
Жаңа басшының кәсіби тәжірибесі мен саланы терең білуі өңірде тіл саясатын жетілдіруге, мемлекеттік тілдің мәртебесін арттыруға және көптілді ортаны дамытуға бағытталған жұмыстардың жаңа деңгейге көтерілуіне ықпал етпек.
