Алматы облысы бойынша Мемлекеттік кірістер департаментінің мәліметінше, өңір тарихында алғаш тіркелген бұл рекорд 2024 жылдың сәйкес кезеңімен салыстырғанда 104,5 млрд теңгеге немесе 11,4 пайызға жоғары. Өткен жылы бұл көрсеткіш 915,1 млрд теңге болған.
Жергілікті бюджетке түсімдер де айтарлықтай өскен: 2025 жылы облыстың меншікті кірісі 566,8 млрд теңгені құрап, 2024 жылмен салыстырғанда 98 млрд теңгеге (20,9%) артқан. Республикалық бюджетке түсімдер 452,8 млрд теңгені құрады — бұл өткен жылғы көрсеткіштен 6,6 млрд теңгеге немесе 1,5 пайызға көп.
Соңғы бес жылда облыстың бюджетке түсімдері 1,5 еседен аса өсті. Мәселен, 2021 жылы түсім көлемі 663,4 млрд теңге болса, биыл ол 1 триллион теңгеден асып отыр. Оның ішінде республикалық бюджетке түсім 106,7 млрд теңгеге, жергілікті бюджетке түсім 249,4 млрд теңгеге ұлғайған.
Соңғы жылдардағы динамика:
• 2022 жыл — 780,1 млрд теңге
• 2023 жыл — 888,6 млрд теңге
• 2024 жыл — 997,6 млрд теңге
Мемлекеттік кірістер департаментінің мәліметінше, бұл рекорд өңірдің әлеуметтік-экономикалық дамуының маңызды межесі саналады. Салық базасын кеңейту, кәсіпкерлікті қолдау және экономикалық белсенділікті арттыру бағытындағы шаралар нәтижесінде бюджет кірісі тұрақты түрде өсіп келеді.
