«АлЭС» АҚ стансаларының негізгі жабдықтарының орташа физикалық тозуы – 80 %, «Мойнақ ГЭС» АҚ – 28%-ды құрайды. Энергетика министрлігі «АлЭС» АҚ электр энергиясын өндіруге арналған шекті тарифті 11,19 теңге/кВтсағ, «Мойнақ ГЭС» АҚ – 11,71 теңге/кВтсағ деңгейінде бекітті», — деді вице-министр.
Оның айтуынша, облыстағы электр энергиясының кемшіліктері «Алатау Жарық Компаниясы» АҚ-ның ірі энергетикалық жүйесі арқылы жабылады. Бірақ мұнда да проблема жоқ емес. Ұлттық экономика министрлігіне қарасты Табиғи монополияларды реттеу комитетінің ақпараты бойынша электр желісінің тозуы 66,5 %-ға жетті.
«Жоғары тозуды азайту мақсатында «Инвестицияларға айырбастау тарифі» бағдарламасы қабылданады. Ол энергия және жылу өндіруші ұйымдардың қолданыстағы активтерін қайта құруға, жаңғыртуға және кеңейтуге мүмкіндік береді», — деді жаңа бағдарлама туралы сөз қозғаған Жандос Нұрмағанбетов.
Сонымен қатар ол жақында «Жылу энергетикасы туралы» Заң қабылданатынын айтты.
Айта кетейік, «АлЭС» Акционерлік қоғамы Алматы қаласы мен Алматы облысында жылу мен электр энергиясын өндіру қызметін жүзеге асыратын кәсіпорын.
Облыстың электр және жылу энергиясына қажеттігін Алматы ЖЭО-3 (Электр және жылу), Қапшағай ГЭС (электр) және Мойнақ ГЭС (электр) қамтамасыз етеді, олардың белгіленген электр қуаты 837 МВт-қа тең.
Биыл облыста электр энергиясын өндіру көлемі 6 млрд. кВтсағ құрады. Ал тұтыну көлемі — 10,2 млрд. кВтсағ.
Посмотреть эту публикацию в Instagram
