Мамандардың мәліметінше, 5 шілдеде елдің солтүстігінде, ал 5-6 шілдеде шығыс аймақтарда қатты жаңбыр, бұршақ және дауылды жел болуы мүмкін. Тек республиканың оңтүстігінде жауын-шашынсыз ауа райы сақталады.
Ел аумағында желдің күшеюі күтіледі, ал оңтүстік өңірлерде шаңды дауыл соғуы ықтимал.
5 шілдеде еліміздің шығысында ауа температурасы 40-42°С дейін, оңтүстігінде 45-46°С, оңтүстік-шығысында 40-45°С дейін көтеріледі деп болжануда. Қалған өңірлерде ауа температурасы айтарлықтай өзгермейді.
Синоптиктер тұрғындарға ауа райының күрт құбылуына дайын болуды және қауіпсіздік шараларын сақтауды ескертеді.
