Аймақ басшысы Талдықорған қаласындағы Ілияс Жансүгіров атындағы Мәдениет үйіндегі 974-учаскеде дауыс берді.
Облыста референдумда дауыс беру үшін барлығы 1053 учаске жұмыс істейді. Оның 58 – і Талдықорған қаласында. Айта кетейік, облыста 1 млн 390 мыңнан астам тұрғын өз таңдауын жасай алады.
Естеріңізге сала кетейік, Конституциялық реформа елді саяси жаңғыртуға бағытталған ауқымды бағдарламаның бір ғана бөлігі, мақсат — бүкіл мемлекеттік модельді кешенді түрде трансформациялау.
«Біз қазір барлық саланы жаңғыртуға кірістік. Осы жолда мемлекетті басқару үлгісін түбегейлі өзгерту қажеттігі туындады. Сол себепті мен наурыз айындағы Жолдауымда саяси жаңғырудың ауқымды бағдарламасын ұсындым. Оның басты мақсаты – елімізді одан әрі демократияландыру, халықтың мемлекетті басқару ісіне қатысу мүмкіндігін кеңейту. Сондай-ақ Үкіметтің тиімділігін арттыру. Бұл өзгерісті толық жүзеге асырсақ, ықпалды парламенті бар президенттік республика үлгісіне біржола көшеміз», — деді Президент.
Мади Сайдильдин
