«31 шілде күні Қорғаныс министрлігінің Әскери колледжінде күнделікті кезекшілікте тұрған кадет жарақат алды. Қазіргі уақытта оның жағдайы ауыр. Оған барлық қажетті медициналық көмек көрсетіліп жатыр. Аталған факті бойынша Әскери тергеу департаменті қылмыстық іс қозғап, тергеу амалдарын жүргізіп жатыр.Тиісті сараптамалар тағайындалды. Қылмыстық іс жүргізу кодексінің 201-бабына сәйкес өзге деректер тергеу мүддесіне орай жария етуге жатпайды», — деп мәлім етті министрліктің баспасөз қызметі.
Еске салайық, оқиға өткен айдың соңында болды. Ақмола облысының Щучье қаласында орналасқан Қорғаныс министрлігінің әскери колледжінде тәуліктік кезекшілікте тұрған кадет жарақат алған еді.
