2024 жылдың 21 қазанында Алматы облысының кезекті Әдеп жөніндегі кеңес отырысы өткізілді, деп хабарлайды alataunews.kz.
Кеңесте Кеген ауданының Жалағаш пен Алғабас ауылдық округтері әкімдеріне және Балқаш-Алакөл облысаралық бассейндік балық шаруашылығы инспекциясы басшысының орынбасарына қатысты тәртіптік істері қаралды.
Тәртіптік істерді қарау бойынша Кеген ауданының лауазымды тұлғаларына қатысты жеке және (немесе) заңды тұлғаларға құқыққа сыйымсыз қолдау көрсету түріндегі мемлекеттік қызметке кір келтіретін тәртіптік теріс қылық белгілерінің болмауына байланысты тоқтатылу ұсынылды. Алайда Жалағаш ауылдық округі әкімінің өзіне жүктелген лауазымдық міндеттерді тиісінше орындамағаны үшін Кеген ауданының әкіміне оның тәртіптік жауапкершілігі туралы мәселесін қарау ұсынылды.
Сонымен қатар, Балқаш-Алакөл облысаралық бассейндік балық шаруашылығы инспекциясы басшысының орынбасарына әріптестіне қатысты негізсіз айыптауға, дөрекілік, қадір-қасиетін кемсіту, әдепсіздік және бейәдеп мінез-құлық фактілеріне жол бергені үшін «ескерту» түріндегі тәртіптік жаза қолдану ұсынылды.
Кеңес соңында Талғар ауданының әкімінің мемлекеттік қызмет және сыбайлас жемқорлыққа қарсы іс-қимыл туралы заңнаманы бұзушылықтардың профилактикасы бойынша жұмысының қорытындылары туралы тыңдалды.
