«Мемлекеттік қызметтерді цифрландыру бойынша жұмыстар жасалып жатыр. Бұрын 7-10 күннің ішінде алынатын құжат, қазір 2 сағат ішінде дайын болады. Бүгінгі таңда министрлік жылжымайтын мүліктің техникалық паспортын электронды түрде жасап, халыққа жеткізуді мақсат етіп отыр. Бұл жоба келер жылы іске қосылады», — деді министр.
Аталған қызмет түрі 2020 жылдан бастап тест форматында жұмыс істеп келді. Жақында ғана бұл электронды құжат кәнігі ресми іс-қағаздармен деңгейлес ретінде тіркеліп, арнайы заң қабылданды.
Министрдің сөзінше, «Egov.mobile» мобильді қосымшасында пәтерге, жатақханаға, саяжайларға және гараждарға арналған техникалық паспорттың электронды нұсқасы қолжетімді етіледі. Ол үшін қосымшадағы «цифрлық құжаттар» бөліміндегі техникалық паспорт батырмасын таңдау қажет.
«Бұл қызмет бойынша QR-код функциясы да жұмыс жасайтын болады. Оның көмегімен тұрғындар таңдалған құжатты бөлісуге мүмкіндік алады. Ал паспорт жоғалған жағдайда, азаматтар «электрондық үкімет» және «egov» порталы арқылы паспорттың телнұсқасын беру жөніндегі қызметті пайдаланады», — деді Қанат Мусин.
Сондай-ақ министр аталған құжатты толық автоматтандыру мүмкін емес екенін айтты. Себебі, жылжымайтын мүлік объектісінің жоспар-схемасы цифрландырылмайды.
