Сенатордың айтуынша, құжат мемлекеттік институттардың құрылымына да, қоғамдық қатынастардың құқықтық негіздеріне де ықпал етіп, елдің конституциялық дамуының жаңа кезеңін айқындайды.
«Жаңа Конституция жобасы мемлекеттік басқару жүйесіне және қоғамдағы құқықтық қатынастарға әсер ететін маңызды құжат. Ол Қазақстанның конституциялық дамуының жаңа бағытын белгілейді», – деді депутат.
Әлішер Сатвалдиев бұл бастаманы Мемлекет басшысы Қасым-Жомарт Тоқаевтың ұсынысымен жүзеге асырылып жатқан саяси реформалардың логикалық жалғасы әрі заңды қорытындысы ретінде қарастыру қажет екенін атап өтті.
«Ел көлемінде қызу талқыланып жатқан бұл құжатты Мемлекет басшысы Қасым-Жомарт Тоқаевтың бастамасымен жүзеге асырылып жатқан саяси реформалардың логикалық жалғасы әрі заңды қорытындысы ретінде қарастырған дұрыс», – деді сенатор.
Депутаттың сөзінше, елдегі конституциялық жаңғырту үдерісі 2022 жылғы референдумнан кейін басталып, қазіргі таңда жаңа кезеңге аяқ басқан.
«2022 жылғы референдумнан кейін басталған конституциялық жаңғырту үдерісі 2026 жылы жаңа Конституция қабылдауға бағытталған ауқымды ұсыныстармен жалғасып отыр», – деді Әлішер Сатвалдиев.
Қазіргі уақытта жаңа Конституция жобасы қоғамда кеңінен талқыланып жатыр. Сарапшылар мен депутаттар бұл құжаттың елдің саяси жүйесін жаңғыртудағы рөліне ерекше мән беріп отыр.
