Оның айтуынша, жергілікті атқарушы органдар жайылымдардың қолжетімділігін арттыру жұмыстарын тиісті деңгейде атқарып отырған жоқ.
«Облыста жайылымдардың жетіспеуіне байланысты жергілікті атқарушы органдар жайылымдардың қолжетімділігін арттыру үшін өңір бойынша 332,3 мың га жер аумағын бекітті. Балқаш – 62,3 мың га, Жамбыл – 13,0 мың га, Еңбекшіқазақ – 123,3 мың га, Іле – 4,5 мың га, Қарасай – 4,3 мың га, Кеген – 54,7 мың га, Райымбек – 20,6 мың га, Талғар – 0,1 мың га, Ұйғыр аудандары – 49,7 мың га және Қонаев қаласы – 0,7 мың га. Бұл жұмыстарды Талғар, Қарасай, Іле аудандары мен Қонаев қаласының әкімдіктері төменгі деңгейде атқарған», – дейді Марат Сұлтанғазиев.
Марат Сұлтанғазиев аудандар және Қонаев қаласы әкімдіктері пайдаланылмай жатқан 69,9 мың га алқаптан азаматтардың ерікті түрде бас тартуын қамтамасыз етіп, оны халықтың мұқтаждығына жарату үшін бекітіп берілгенін айтады. (Балқаш ауданында – 4,3 мың га, Еңбекшіқазақ ауданында – 15,2 мың га, Іле ауданында – 1,7 мың га, Жамбыл ауданында – 4,6 мың га, Қарасай ауданында – 1,7 мың га, Кеген ауданында – 16,9 мың га, Райымбек ауданында – 12,1 мың га, Талғар ауданында – 0,1 мың га, Ұйғыр ауданы – 7,8 мың га, Қонаев қаласы – 4,5 мың га). Алайда, бекітілген жерлерді Іле, Жамбыл, Қарасай, Талғар аудандары мен Қонаев қаласының әкімдіктері лайықты игермеген.
Айта кетейік, облыс бойынша пайдаланылмай жатқан 268 субъектінің 217,9 мың га жайылым жерлері уақытша жер пайдалануға, яғни жалға берілген. Соның 42-cі (Балқаш ауданы – 1, Еңбекшіқазақ ауданы – 12, Қарасай ауданы – 27, Кеген ауданы – 1, Райымбек ауданы – 1) бойынша ғана жалға беру шартын бұзу туралы сотқа талап арыздар жолдаған.
«Жамбыл, Іле, Талғар, Ұйғыр аудандары және Қонаев қаласы әкімдіктерімен сотқа талап арыздар беру жөнінде жұмыстар мүлде жасалмаған. Осы орайда, аудандар мен Қонаев қаласының әкімдіктеріне аталған жұмыстарды бір жүйеге келтіріп тұрақты атқарылуын ұйымдастыруды тапсырамын», – деді Марат Сұлтанғазиев.
