Әкімнің мәліметінше, ауданда «Ауылдық денсаулық сақтауды жаңғырту» ұлттық жобасы аясында 6 медициналық нысан салу жоспарланған: Кіші Дихан, Ават, Тасқарасу ауылдарында — дәрігерлік амбулатория, Ақтам, Дартамты, Шарын ауылдарында — фельдшерлік-акушерлік пункт.
«Бұл аудандағы 20 жедел жәрдем автокөліктерінің 5-уі 72%, 4-уі 100% тозған. Денсаулық сақтау басқармасына 9 жедел жәрдем автокөлік сатып алуды қарастыру қажет», — деді облыс әкімі.
Бұдан бөлек, ауданда 5 дәрігер тапшылығы бар.
«Ынталандыру шаралары арқылы кадрларды тарту мәселелерін пысықтау керек», — деді Марат Сұлтанғазиев.
Жалпы облыста 398 медициналық ұйым жұмыс істейді, оның 58-і жеке меншік. Биыл 6 денсаулық сақтау нысанының құрылысы жүргізілуде.
