Оның айтуынша, жайылымдардың жетіспеушілігі шешілмейінше ауыл тұрғындарының наразылығын тудыратын мәселе болып қала береді. Облыс бойынша мал жаю үшін 564 мың га жайылымдық жерлер бекітілді. Бұл қажеттіліктің 36%-ы ғана.
«Іле ауданында да шаруаларды жайылым жермен қамтамасыз етудің төмендігі байқалады – 25,5% немесе 12 мың га», — деді өңір басшысы.
Мониторинг барысында ауданда 44,7 мың га пайдаланылмайтын ауыл шаруашылығы алқаптары анықталды.
«Қабылданған шаралардың нәтижесінде мемлекет меншігіне барлығы 3,4 мың га жер немесе 7,6% қайтарылды. Бұл өте төмен көрсеткіш», — деді Марат Сұлтанғазиев.
Облыс әкімі Іле аудан әкімі Бағдат Қарасаевқа пайдаланылмайтын ауыл шаруашылығы мақсатындағы жерлерді қайтару және оны ұтымды пайдалану басты мақсат екенін ұмытпауды ескертті.
