Кездесуде аудан тұрғындары көтерген мәселелер талқыланды. Олардың бірі – саяжайлар. Бұл жерде кешенді жоспар мен жүйелі жұмыс қажеттілігін алға тартқан Марат Елеусізұлы Іле ауданын үлгі етті. Атап айтқанда саяжайлардың көшелерін кеңейтіп, елді мекен статусына ауыстыруға дайындық жасалып жатыр. Сондықтан, статус ауыстыру үшін алдымен саяжай кооперативтерінің төрағаларымен жұмыс жүргізілу қажет.
Сонымен бірге, екінші бір мәселе жүк көліктері артық салмақ алып, ауыл-аудан жолдарының бүлінуіне себепші болатындығы айтылды.
Бұл мәселені назарға алып, облыстық жолаушылар көлігі және автомобиль жолдары басқармасы бұл мәселені ауыл әкімдерімен бірлесе, жіті назарға аударуды тапсырды.
Сонымен қатар, өңір басшысы бюджет қаражаты халықтың пікірін ескере отырып, басым мақсаттарға жұмсалуы тиіс екенін атап өтті.
Есік қаласына сапар барысында облыс әкімі аудан ақсақалдарымен кездесіп, азаматтарды жеке қабылдады. Сонымен қатар Т. Молдағалиев атындағы мәдениет үйінде халықпен кездесу барысында әкім тұрғындардың проблемалық мәселелері мен ұсыныстарын тыңдады.
