Қуаныш Мұсаұлы 1984 жылы туған, білімі жоғары. 2005 жылы М. Тынышбаев атындағы Қазақ көлік және коммуникациялар академиясын «қаржы және несие» мамандығы бойынша, 2012 жылы Жансүгіров атындағы Жетісу мемлекеттік университетін «құқықтану» мамандығы бойынша бітірген.
Еңбек жолын 2006 жылы Алматы облысы Райымбек ауданы қаржы бөлімінің жетекші маманы болып бастаған.
Әр жылдары:
- Алматы облысы бойынша Қаржылық бақылау және мемлекеттік сатып алу басқармасы жетекші маманы-жетекші бақылаушы тексерушісі,
- Алматы облысының қаржылық бақылау инспекциясы №6 бақылау бөлімінің жетекші маманы-жетекші бақылаушы-тексерушісі,
- Алматы облысының қаржылық бақылау инспекциясы №5 бақылау бөлімінің бас маманы-бас бақылаушы-тексерушісі,
- Республикалық бюджеттің атқарылуын бақылау жөніндегі есеп комитеті бөлімдерінің сарапшы-бақылаушысы, бас сарапшы-мемлекеттік бақылаушысы, бас консультант-бас мемлекеттік аудиторы лауазымдарын атқарған.
- 2018-2022 жылдары Алматы облысы Тексеру комиссиясының мүшесі болған.
- 2022 жылдың шілде айынан Жетісу облысы тексеру комиссиясы төрағасының уақытша міндетін атқарған.
