«Бізде «Мойнақ» ГЭС-і бар. Енді содан төменірек аумақта тағы бір ГЭС салынады дейді. Нысаннан халыққа қандай пайда болады?» — деді Рауан Жанұзақов.
Сұраққа жауап қатқан облыс әкімі әлі ГЭС тұрғызылады деген түпкілікті шешім шықпағанын айтты.
«Иә, «Ақтоғай» ГЭС-ін салу жоспарланды. Бірақ, әлі шешім шығарылған жоқ. Нысанның қуаттылығы шамамен 300 мВт болады. Қазіргі таңда электр қуатын өндіретін ошақтардың маңыздылығы жоғары. Себебі, ток болмаса, даму жоқ. Инвесторларды тарту да қиынға түседі. ГЭС-тің жалпы республикаға пайдасы бар. Өйткені, Қазақстанда электр қуатын тасымалдаушы жалғыз оператор — «KEGOC» компаниясы. Ол арқылы «Алатау Жарық Компаниясына» тасымалданады. Ал бұл серіктестік Алматы облысын электр энергиясымен қамтамасыз етеді», — деді Марат Сұлтанғазиев.
Сонымен қатар өңір басшысы «Мойнақ» ГЭС-і бюджетке айтарлықтай салық төлеп отырғанын айтты.
«Ауданның биылғы бюджеті 9,3 млрд теңге болды. Оның 29%-ы (2,4 млрд. тг) ауданның өзінің кіріс көздері құрап отыр. Қалған бөлігі – республикалық және облыстық бюджеттен бөлінген. Оның ішінде, «Мойнақ» ГЭС-нен түсіп отырған салық көп. Осы түскен ақшаға ауылда, ауданда жұмыстар атқарылып жатыр. Сол себептен, қаншалықты мұнда бизнес дамыса, соншалықты бюджет те өседі, халықтың әлеуметтік мәселесі де шешіледі», — деді аймақ басшысы.
Бұған дейін облыс әкімі жаңа салынатын ГЭС жобасының таныстырылымына қатысқан еді.
https://www.alataunews.kz/akimder/marat-sultanghaziev-kegen-awdanyndaghy-nysandardy-aralady/
