Қасымбек ауылында орналасқан кәсіпорын жұмысын алғаш рет 2012 жылы бастаған. Қазіргі таңда аспалы шам, ұзартқыштарды шығарады. Сонымен қатар, зауытта медициналық жабдықтарды жарықтандыруға қажетті құралдарда өндіріледі.
Ашылғаннан кейін екі жыл өткен соң, «Тексан Пласт» брендімен әртүрлі мөлшердегі кабельдік арналар шығара бастады. Сөйтіп Қазақстан нарығында сапалы және бәсекеге қабілетті тауарларды ұсына алды. Сондай-ақ, зауытта құжаттарды сақтауға арналған шкафтар, темір сейфтер сынды металл бұйымдардан жасалған шеберхана бар.
Зауыт электротехника, әртүрлі мақсаттарға арналған шамдар мен жарықтандыру құрылғыларының түр түрін шығарады. Мұнда бірегей мектеп жиһаздары, соның ішінде заманауи үстелдер де бар. Облыс әкімі өңірдегі жаңа мектептерді осындай жиһазбен қамтамасыз ету мүмкіндігін қарастыруды ұсынды. Кәсіпорында 130 адам жұмыс істейді, орташа жалақы 170-200 мың теңге.
Марат Сұлтанғазиев кәсіпорынның өңірлік экономиканы дамытудағы және нарықта сапалы тауарларды қамтамасыз етудегі маңызды рөлін атап өтті.
«Жобалау сатысында қазақстандық құрамдас бөліктерді ұлғайту үшін «ТексанИнвест» сияқты жергілікті тауар өндірушілердің өнімдерін пайдалану қажет», — деді өңір басшысы.
