Алматы облыстық аумақтық сайлау комиссиясында сайлауға 703 адам өз кандидатурасын ұсынды. Бұл ретте АСК олардың барлығы тіркеуден өтпегенін түсіндірді.
Сонымен қатар партиялық тізімдер бойынша алты партия Алматы облыстық мәслихатының депутаттығына 86 кандидат ұсынды:
- «AMANAT» партиясы — 36 адам;
- «Қазақстан Халық» партиясы — 10 адам;
- «Respublica» партиясы — 10 адам;
- «Ақ жол» Қазақстан демократиялық партиясы — 18 адам;
- Қазақстандық «Байтақ» жасылдар партиясы — 6 адам;
- «Ауыл» халықтық-демократиялық патриоттық партиясы — 6 адам ұсынды.
ҚР Парламенті Мәжілісінің депутаттығына 25 кандидат тіркелді.
Сонымен қатар облыс бойынша әртүрлі деңгейдегі мәслихат депутаттығына 523 кандидат тіркелген.
Мәселен, облыстық мәслихат (19 округ) депутаттығына кандидаттар 59 адамды, қалалық мәслихатқа 12 округ бойынша 39 кандидатты, аудандық мәслихаттарға 178 округ бойынша 425 кандидатты тіркеді.
Тіркелген үміткерлердің 375-і ер адамдар, 148-і әйелдер. Ең жас үміткер 21 жаста, ең үлкені 72 жаста.
2023 жылғы 19 наурыздағы сайлауда Алматы облысынан Парламент Мәжілісіне 2 депутат, облыстық мәслихаттың 38 депутаты, сондай-ақ аудандар мен Қонаев қаласы мәслихаттарының 190 депутаты сайланады.
