Басты мақсат — жастардың өзекті мәселелерін шешу, жастардың кәсіби және кәсіпкерлік қабілетін арттыру.
Егер 2022 жылы Zhas project жобасы Ақмола, Алматы, Жетісу, Қарағанды, Ұлытау, Маңғыстау және Түркістан облыстарында жүзеге асырылса, 2023 жылы еліміздің барлық аймақтарын қамтып 18-35 жас аралығындағы азаматтарға 280 шағын грант бөлінеді. Ауыл жастарының, NEET жастарының және әлеуметтік осал топтағы жастардың, оның ішінде мүгедектігі бар адамдардың кәсіпкерлік бастамаларын қолдауға ерекше назар аударылатынын айта кеткен жөн.
Жоба аясында білікті жаттықтырушыларды, тәлімгерлерді, психологтарды және әлеуметтік жобаларды іске асыру, ілгерілету және дамыту жөніндегі мамандарды шақыра отырып, шағын гранттарды іске асыру кезеңінде жастарды заңдық және консультативтік тұрғыдан қолдауды ұйымдастыруды қамтамасыз ету жоспарланған.
Байқауға қатысу үшін өтінімдер 14 тамыз, сағат 18.30-ға дейін қабылданады.
