«Бұл орынға мен де ақша төлеп отырдым. Мен орын бергім келмейді, үлкен кісілерді сыйламаймын», — дейді жігіт.
Бұл бейнеүзік әлеуметтік желіні шулатып, пікірлер қарша жауды. Кейінірек толық бейне жарияланды. Онда жігіт автобустағы әйелді көрсетіп: «бұл біздің актрисамыз және бүгін бізде әлеуметтік эксперимент!», деген.
Толық видеода жігіт пен әйелдің арасындағы келіспеушілік жағдайына автобустағы жолаушы ер кісі араласады. Ол жігітті орын беруге шақырады. Содан соң жігіт бұл жағдайға немқұрайлы қарамағаны үшін оған алғысын білдіріп, бұл жұрттың көзқарасын білу үшін жасалған әлеуметтік эксперимент екенін айтады.
