«22 қараша күні сағат 20:10-да Жетісу облысының ТЖД-не «Сарыөзек-Көктал» тас жолының 40-шақырымында 12 жеңіл автокөліктің қар құрсауында қалғаны туралы қоңырау түсті. Оқиға орнына «Трэкол» жол талғамайтын көлігімен Сарыөзек ауылынан ТЖД кезекші бөлімшесі шықты», — делінген хабарламада.
Баспасөз қызметінің мәліметінше, құтқару жұмыстарының нәтижесінде «Алтын-Емел» асуында көліктерімен тұрып қалған 19 адам құтқарылды. Қаза болғандар мен зардап шеккендер жоқ.
Жетісу облыстық ТЖД ауа-райының нашарлауына байланысты тұрғындардан алыс жолға шықпауды, қауіпсіздік ережелерін қатаң сақтауды және «112» қызметінің SMS-хабарламаларын назардан тыс қалдырмауды сұрайды.
Айта кетейік, бұл асуға 1,5 метрден астам қалыңдықта қар түсті.
Посмотреть эту публикацию в Instagram
