«Бұл төтенше жағдай 3 тамызда Тараздағы «Новоджамбул фосфор зауыты» ЖШС аумағында болды. Екі адам химиялық күйік алды», — деп жазды журналист.
Кадрларда мамандардың цистернада жұмыс істеп жатқанын көруге болады, содан кейін белгісіз себептерге байланысты оттың шыққанын көруге болады. Артынша жұмысшылардың біреуі жерге құлады.
Облыстық полиция департаменті баспасөз қызметінің хабарлауынша, аталған факті бойынша ҚР ҚК 156-бабының 2-бөлігіне сәйкес қылмыстық іс тіркеді. Еңбек инспекциясы басқармасымен бірлесіп алғашқы тергеу әрекеттері жүргізіледі. Зардап шеккендердің екеуі де ауруханаға жатқызылды. Тергеу барысы бақылауға алынды.
