Бұған дейін желіде тараған видео фейк — дейді мамандар.
Баспасөз қызметінің мәліметіне қарағанда, бейнежазбадағы Сасықкөлдің Ерту өзегі жабылғанына екі жыл уақыт болған.
«2015-2017 жылдары көлге ғылыми зерттеу жүргізілген. Жұмыс қорытындысына сәйкес, Ерту өзегі арқылы автокөлік көпірінің маңынан Сасықкөлдегі су деңгейі күрт төмендеп, құрғап кету қаупі анықталған. Содан кейін көл деңгейін сақтау және табиғи ресурстарға зиян келтірмеу үшін ғылыми ұйымның пікірін ескере отырып, 2021 жылы Ерту өзегін жабу туралы шешім қабылданған», — деп жазды баспасөз қызметі.
Әлеуметтік желіде жарияланған видеодан кейін инспекция мамандары бірден оқиға орынына барып, басқа да жауапты өкілдерді хабардар еткен.
«Комиссия Ертуде балықтың қырылмағанын анықтады», — делінген мекеме ақпаратында.
Сондай-ақ тұрғындар видеоның қасақана, шу шығару үшін түсірілуі мүмкін екенін алға тартты.
