Төтенше жағдайлар қызметіне өрт туралы хабарлама Мәскеу уақытымен 22:21-де түскен. Өрт сөндірушілер келген кезде үйдің шатыры отқа оранған. Өрт алаңы 180 шаршы метрді құрады. Өрт сөндіру ісіне 80-нен астам адам, 28 техника жұмылдырылды.
Ресей ТЖМ өрт салдарынан қаза тапқандар саны 13 адам екенін хабарлады. Соңғы мәлімет бойынша, төтенше жағдайдан 20 адам көз жұмды.
Жеті адамның тағдыры белгісіз. Күйік шалған екі адам ауруханаға жеткізілді, олардың жағдайы ауыр. Тағы төртеуі амбулаториялық емдеуге жіберілді.
Агенттіктің мәліметінше, бұл Кемероводағы қарттар үйіндегі алғашқы өрт емес.
8 қаңтарда екі қабатты «Алтын ғасыр» пансионатының бірінші қабатында өрт шыққан болатын. 48 адам эвакуацияланып, төртеуі қайтыс болды.
